ការចុះផ្ទៀងផ្ទាត់និយាមកាបោះបង្គោលព្រំដី និងរៀបចំផែនទីលម្អិតតាមបណ្តោយព្រែកជីកហ្វូណនតេជោ សម្រាប់កំណាត់ទី១ ប្រវែង ២១គីឡូម៉ែត្រ (ព្រែកតាកែវ-ព្រែកពោធិ៍ ) ត្រូវបានបញ្ចប់ ១០០% | សម្តេចតេជោ ហ៊ុន សែន ជំរុញ​កិច្ច​សហប្រតិបត្តិការ​អាស៊ាន​ឲ្យ​កាន់​តែ​ខ្លាំង​ចំ​ពេល​មាន​បញ្ហា​ប្រឈម​ជា​សាកល | កម្ពុជា និងឥណ្ឌូនេស៊ី មានគោលបំណងជំរុញកិច្ចសហប្រតិបត្តិការក្នុងវិស័យសំខាន់ៗ | កម្ពុជាហាមឃាតការនាំចូលសត្វពានៈ និងផលិតផលសាច់សត្វ​ពី​ប្រទេស​ថៃ​ជា​បណ្ដោះអាសន្ន ចំ​ពេល​មាន​ការ​ផ្ទុះ​ជំងឺ​ឈាមខ្មៅ ឬជំងឺអង់ត្រាក់លើសត្វពាហនៈ | កម្ពុជា​ចុះ​​ប្រហុកសៀមរាបជាម៉ាកសម្គាល់ភូមិសាស្ត្រទំនិញដើម្បីលើកកម្ពស់ផលិតផលធ្វើម្ហូបបែបប្រពៃណីខ្មែរ |
ការចុះផ្ទៀងផ្ទាត់និយាមកាបោះបង្គោលព្រំដី និងរៀបចំផែនទីលម្អិតតាមបណ្តោយព្រែកជីកហ្វូណនតេជោ សម្រាប់កំណាត់ទី១ ប្រវែង ២១គីឡូម៉ែត្រ (ព្រែកតាកែវ-ព្រែកពោធិ៍ ) ត្រូវបានបញ្ចប់ ១០០% | សម្តេចតេជោ ហ៊ុន សែន ជំរុញ​កិច្ច​សហប្រតិបត្តិការ​អាស៊ាន​ឲ្យ​កាន់​តែ​ខ្លាំង​ចំ​ពេល​មាន​បញ្ហា​ប្រឈម​ជា​សាកល | កម្ពុជា និងឥណ្ឌូនេស៊ី មានគោលបំណងជំរុញកិច្ចសហប្រតិបត្តិការក្នុងវិស័យសំខាន់ៗ | កម្ពុជាហាមឃាតការនាំចូលសត្វពានៈ និងផលិតផលសាច់សត្វ​ពី​ប្រទេស​ថៃ​ជា​បណ្ដោះអាសន្ន ចំ​ពេល​មាន​ការ​ផ្ទុះ​ជំងឺ​ឈាមខ្មៅ ឬជំងឺអង់ត្រាក់លើសត្វពាហនៈ | កម្ពុជា​ចុះ​​ប្រហុកសៀមរាបជាម៉ាកសម្គាល់ភូមិសាស្ត្រទំនិញដើម្បីលើកកម្ពស់ផលិតផលធ្វើម្ហូបបែបប្រពៃណីខ្មែរ |

ស្នងការដ្ឋាននគរបាលខេត្តកំពង់ចាម បំភ្លឺពាក់ព័ន្ធនឹងការឃាត់រថយន្ដ ១គ្រឿងបើកបរហួសល្បឿនកំណត់

  • ចុះផ្សាយថ្ងៃទី១៩ ខែធ្នូ ឆ្នាំ២០២២ ម៉ោង ១៨:៤៩ នាទី ដោយ Saroeun Phallika
  • 1877
  Aa |   aA

កំពង់ចាម៖ ស្នងការដ្ឋាននគរបាលខេត្តកំពង់ចាម នាថ្ងៃទី១៩ ខែធ្នូ បានបកស្រាយបំភ្លឺ ចំពោះការចុះផ្សាយរបស់ម្ចាស់គណនីហ្វេសប៊ុកឈ្មោះ «រាជនី ធីតាសួគ៌» ពាក់ព័ន្ធនឹងការបើកបរលើសល្បឿនកំណត់ដោយកម្លាំងនគរបាលចរាចរណ៍ឃាត់រថយន្ដ ដើម្បីធ្វើការអប់រំណែនាំ និងផាកពិន័យ។

ការបកស្រាយបំភ្លឺនេះក្រោយពីស្នងការដ្ឋាននគរបាលខេត្តកំពង់ចាមបានឃើញការបង្ហោះរបស់ម្ចាស់គណនីហ្វេសប៊ុកឈ្មោះ «រាជនី ធីតាសួគ៌» អំពីការមិនសុខចិត្តចំពោះមន្ត្រីចរាចរណ៍ដែលបានឃាត់រថយន្តខ្លួនក្រោមហេតុផលថាបានបើករថយន្តលើសល្បឿនកំណត់ដល់ទៅ ៨៦គីឡូម៉ែត្រក្នុងមួយម៉ោងខណៈខ្លួនបើកត្រឹមតែ ៣០គីឡូម៉ែត្រក្នុងមួយម៉ោងនៃល្បឿនកំណត់៦០គីឡូម៉ែត្រក្នុងមួយម៉ោង។ 

ម្ចាស់គណនីហ្វេសប៊ុកឈ្មោះ«រាជនី ធីតាសួគ៌»បានបង្ហោះសារនៅលើហ្វេសប៊ុក ដោយអះអាងថាខ្លួនត្រូវបានមន្ត្រីនគរបាលចរាចរណ៍ចាប់ផាកពិន័យ ១៥ម៉ឺនរៀល និងដកពិន្ទុប័ណ្ណបើកបរ ២ពិន្ទុ។ ស្រាប់តែគ្រានោះ ម្ចាស់គណនីរូបនោះបានឆែកមើលកាមេរ៉ាក្នុងឡានរបស់ខ្លួនឱ្យមន្ត្រីចរាចរណ៍ត្រួតពិនិត្យ ក្រោយមកមន្ត្រីចរាចរណ៍ក៏បានអនុញ្ញាតឱ្យខ្លួនបន្តធ្វើដំណើរដោយមិនបានផាកពិន័យឡើយ។  

ការពិតរឿងនេះត្រូវបានបញ្ចប់ត្រឹមមន្ត្រីនគរបាលចរាចរណ៍សម្រេចមិនផាកពិន័យ ប៉ុន្តែដោយសារតែ ម្ចាស់គណនីហ្វេសប៊ុក «រាជនី ធីតាសួគ៌» នៅតែមិនសុខចិត្ត ក៏បានបង្ហោះខ្លឹមសារដូចខាងលើនេះ។ ពាក់ព័ន្ធនឹងរឿងនេះ ស្នងការដ្ឋាននគរបាលខេត្តកំពង់ចាមបានបកស្រាយបំភ្លឺថា មន្ត្រីនគរបាលចរាចរណ៍បានឃាត់រថយន្តនោះ និងបានបង្ហាញភស្តុតាងថាម្ចាស់រថយន្តនោះបានបើកបរលើសល្បឿនកំណត់ ប៉ុន្តែគ្រានោះមន្រ្តីនគរបាលជំនាញមិនបានផាកពិន័យឡើយ ដោយគ្រាន់តែបានធ្វើការអប់រំណែនាំដោយផ្ទាល់មាត់អំពីច្បាប់ស្ដីពីចរាចរណ៍ផ្លូវគោកទៅកាន់អ្នកបើកបរ។ 

បច្ចុប្បន្ននេះសមត្ថកិច្ចជំនាញ បាននឹងកំពុងធ្វើការស្រាវជ្រាវរកអត្តសញ្ញាណម្ចាស់គណនីហ្វេសប៊ុករូបនេះ ដើម្បីមកធ្វីការសាកសួរបំភ្លឺ ជុំវិញករណីដែលបានបង្ហោះក្នុងបណ្ដាញសង្គមក្នុងករណីរកឃើញថា ម្ចាស់គណនីហ្វេសប៊ុកដែលមានឈ្មោះខាងលើនោះបានប្រព្រឹត្តខុសហើយចោទប្រកាន់មកលើមន្រ្តីអនុវត្តច្បាប់ ដែលជាចេតនាទុច្ចរិត ធ្វើឲ្យប៉ះពាល់ដល់កិត្តិយសយ៉ាងធ្ងន់ធ្ងរដល់មន្រ្តីនគរបាលជាតិ ពិសេសមន្ត្រីអនុវត្តច្បាប់ នោះនឹងត្រូវអនុវត្តតាមនីតិវិធីច្បាប់៕ 


ព័ត៌មានជាច្រើនទៀតសម្រាប់អ្នក